Dato Harussani ; Kalau Umat Murtad, Bukan Koh Tu Doso Mufti ?

"Jang, Den polik gak dengan DS Mufti Perak (DSMP) ni, heboh ke hilir ke hulu cakap beratus-ratus ribu umat dah murtad.

Den nak tanyolah kek DSMP ni beberapo perkaro ;

1 Sebonar de apo namo e kojo jawatan mufti ni ?

2  Kok dapek tolong senaraikan kek tko ni senarai tugas mufti. Agak-agak den MAZA dapek tulihlah sikit

      3  Kok ado KPI de, den nak tahu gak tu, apo bondo yang jadi KPI DSMP ni ?

Jang,

Den ni bukan apo, sobab menurut kefahaman  den jo, mufti ni orang kanan SPB Rajo-Rajo Melayu, dan sebagaimano yang kito faham, SPB Rajo-Rajo Melayu adalah payung agamo, ertinyo, sagalo-galo masalah yang bersifat keagamaan, dah tontu murtad itu masalah utamo agamo,  adalah menjadi bidang tugas utama SPB Rajo-Rajo, dan dalam hal ini, tugas utamo SPB Rajo-Rajo Melayu ni telah diamanahkan mengurusnya kepada mufti. Dengan kata lain, sagalo-galo yang berkaitan dengan agamo, zina koh, bersekedudukan koh, dodah sini selak sano koh, dan murtad tu, kojo muftilah tu, botul tak Jang. Jadi kalau DSMP melalak-lalak serato nogori cakap murtadlah, apo lah, ertinyo juga, dio mengabarkan ke seluruh dunia yang dio tak buek kojo, tak koh meludah ke muko sendiri namo de tu Jang, pado den lak, bahkan kojo DSMP tu, dio ludah ateh tangan de, lopeh dio selupakkan (dio lapkan) kek muko sendiri.

Jang,

Kok den salah lah Jang, den mintak maaflah kek DSMP dan sagalo-galo mufti yang ado kek 1malaysia ni. Tapi, Jang, ado lak tapi de ni, kok bukan yang den sobut tu lah kojo mufti, den nak tanyo kek kau, apo kojo mufti tu. Kau jangan acah gak den Jang, kang telajak den cakap. Jadi kau fikir-fikirlah sendiri.

Ditakdirkanlah, kok iyo tak adolah senarai tugas mufti, den nak cadang elok digubal tu undang-undang de, botul koh undang-undang yang nak kono gubal Jang, tapi tu lah de maksud den, kau tahu lah tu Jang.

TUTUH JANG SAMPAI MONANG